Jump to content
Webbplatsen använder kakor
Vi använder kakor för att ge dig en bättre upplevelse av webbplatsen.
Läs mer om kakor på csn.se

ሓድሽ ኣብ ሽወደን – ንዓኻ ስደተኛ ዝኾንካ

ንሕና ኣብ ሽወደን፡ ኵሉ ሰብ ምእንቲ ብቐሊሉ ስራሕ ክረክብ፡ ናይ ትምህርቲ ዕድል ክረክብ ንደሊ ኢና። ስለዚ እዩ መብዛሕትኡ ግዜ ንኽትምሃር ዝኾነ ክፍሊት ዘይብሉ። ኣብ ርእሲ’ዚ፡ ኣብ ሽወደን ንኽትነብርን ክትምሃርን ምእንቲ ቀሊል ክኸውን፡ ቍጠባዊ ሓገዝ ክትረክብን ገንዘብ ክትልቃሕን መሰል ክህልወካ ይኽእል እዩ።

ካብ በዓል-መዚ ሓገዛት ትምህርቲ (CSN) እትረኽብዎ ሓገዝን ልቓሕን

እቶም ስደተኛታት ዝኾንኩም ኣብ ሽወደን ክትመሃሩ እትደልዩ ሰባት፡ ካብ በዓል-መዚ ሓገዛት ትምህርቲ (CSN)፡ ብነጻ ዝወሃብ ገንዘባዊ ሓገዝ ክትወሃቡን ከምኡ ውን ንሱ ምስዘይኣኽለኩም ክትልቕሑ ውን ትኽእሉ ኢኹም። እዚ ዕድል’ዚ ኸኣ፡ ድጋፍ-ትምህርቲ (studiestöd) ተባሂሉ ይጽዋዕ። ድጋፍ-ትምህርቲ፡ ነቶም ዝመሃሩ ሰባት ትምህርቶም ኣብ ዝከታተሉሉ እዋን፡ ምስ ክራይ፡ መግብን ካልእ ዘድልዮም ነገራትን ዝተኣሳሰረ ወጻኢታት ንምሽፋን ተባሂሉ ዝወሃብ ድጋፍ እዩ።

ብዜካ`ዚ እቶም ስደተኛታት ዝኾንኩም ሰባት፡ ኣቚሑን ካልእ ንብረት ገዛን ንምዕዳግ፡ ካብ በዓል-መዚ ሓገዛት ትምህርቲ (CSN) ገንዘብ ክትልቅሑ ትኽእሉ ኢኹም። እዚ ኸኣ፡ ልቓሕ መግዝኢ ኣቚሑ-ገዛ (hem­utrustnings­lån) ተባሂሉ ይጽዋዕ።

ናይ ሽወደን ፍቓድ መምርሒ-መኪና ምስዘይህልወኩም ካብ በዓል-መዚ ሓገዛት ትምህርቲ (CSN) ገንዘብ ክትልቅሑ ትኽእሉ ኢኹም። እዚ ኸኣ፡ ልቓሕ መምርሒ-ፍቓድ (körkortslån) ተባሂሉ ይጽዋዕ።

ዝተፈላለዩ ዓይነታት ድጋፍ

ዕድመን ደረጃ ናይቲ ክትመሃርዎ ዝደለኹም ትምህርትን መሰረት ዝገብር፡ ዝተፈላለየ ዓይነታት ድጋፍ ኣሎ። እቶም ኣዝዮም ፍሉጣት ዝኾኑ ዓይነታት ድጋፍ እዞም ኣብ ታሕቲ ሰፊሮም ዘለዉ እዮም:

ሓገዝ-ትምህርቲ (Studiehjälp) ነቶም ኣብ ካልኣይ ደረጃ እትመሃሩ 20 ወይ ውን ትሕቲ 20 ዝዕድሜኹም

እቶም ኣብ ካልኣይ ደረጃ እትመሃሩ ሰባት፡ ክሳብታ 20 ትመልኡላ ጽድያ ናይ ክፍላ ትምህርቲ፡ ሓገዝ-ትምህርቲ (Studiehjälp) ናይ ምርካብ መሰል ኣለኩም። ሓገዝ-ትምህርቲ (Studiehjälp) ዝተፈላለዩ ሓገዛት ዝሓቈፈ እዩ። ንኣብነት፡ ምጠዋ (studiebidrag) ከምኡ ውን መመላእታ (extra tillägg)። መመላእታ ነቶም ኣታዊታት ስድራ-ቤቶም ትሑት ዝኾኑ ተመሃሮ ዝወሃብ ሓገዝ እዩ። ብዘይወለድኹም ዝተሰደድኩም ትሕቲ ዕድመ ምስእትኾኑ፡ ስድራ ስለዘይብልኩም፡ እቲ ናትኩም ኣታዊ’ዩ ከም ኣታዊ ስድራ ዝቊጸር።

መምሃሪ-ሓገዝ (Studiemedel) – ሓገዝን ልቓሕን

ካብታ 20 ዝመላእኩምላ ቀውዒ እትጅምር ክፍላ-ትምህርቲ ኣትሒዝኩም መምሃሪ-ሓገዝ (studiemedel) ኢኹም ትሓቱ። ኣብ ላዕለዋይ ደረጃ ትምህርቲ፡ ንኣብነት ዩኒቨርስቲ፡ ክትመሃሩ ምስእትኾኑ ግን፡ ዕድሜኹም ዋላ ትሕቲ 20 ዓመት ይኹን፡ መምሃሪ-ሓገዝ ኢኹም ትሓቱ።

መምሃሪ-ሓገዝ፡ ካብ ሓገዝን ልቓሕን ዝቈመ እዩ። እቲ ልቓሕ ይትረፈና ኢልኩም ነቲ ሓገዝ ጥራይ ውን ክትወሱ ትኽእሉ ኢኹም። ቈልዓ ወይ ቈልዑ ምስዝህልወኩም ከኣ መመላእታ ክትወስዱ ትኽእሉ ኢኹም። እዚ ኸኣ፡ መመላእታ ወይ ተወሳኺ ድጋፍ (tilläggsbidrag) ተባሂሉ ይጽዋዕ።

መስርሕ ምምላስ ልቓሕ ከምዚ ዝስዕብ ይመስል

ዋላ ሃገር ቀይሩ፡ እቲ ዝተለቃሕኩሞ ገንዘብ ክትመልስዎ ኣለኩም። ኩሉ’ቲ ዝተለቃሕኩሞ ገንዘብ ኣብ ሓደ ግዜ ክትከፍልዎ ኣይኮንኩምን ትሕተቱ። እንታይ ደኣ፡ በዓል-መዚ ሓገዛት ትምህርቲ (CSN) ነቲ ልቓሕ ኣብ ብዙሕ ዓመታት ክኽፈል ከምዘለዎ እዩ ዝገብረልኩም። ክንደይ ክትከፍሉ ኣለኩም፡ ንኽንደይ ዝኸውን ግዜ`ኸ ዝብል ነገር ኣብ መጠን ናይቲ ዝተለቃሕኩሞ ገንዘብን ወለድን እዩ ዝምርኮስ።

ድጋፍ ምጅማር ትምህርቲ (Studiestartsstöd) – ነቶም ስራሕ-ኣልቦ ዝኾንኩም ዝምልከት

ድጋፍ ምጅማር ትምህርቲ (Studiestartsstöd) ነቶም ነነዊሕ ግዜ ስራሕ ዘይነበረኩም ሰባት፡ እሞ ኸኣ ስራሕ ንምርካብ ናይ መባእታ ወይ ውን ካልኣይ ደረጃ ትምህርቲኹም ከተጠናቕቑ እትደልዩ ሰባት፡ ዝምልከት ድጋፍ እዩ። ድጋፍ ምጅማር ትምህርቲ፡ ልቓሕ ዘይብሉ ሓገዝ ጥራይ ኮይኑ፡ ምሉእ ሰዓታት እትመሃሩ ምስእትኾኑ፡ እንተነውሐ ን 50 ሳምንታት ጥራይ ዝወሃበኩም ሓገዝ እዩ።

እዚ ድጋፍ`ዚ ይገበኣኩም ድዩ ኣይግበኣኩምን ዝግምገም ኣካል፡ ምምሕዳር ከተማኹም እዩ። ኣብ ምምሕዳር ከተማኹም ብምኻድ ኢኹም ውን እዚ ድጋፍ ንኽወሃበኩም እተመልክቱ። ነዚ ድጋፍ ንምርካብ ብቀጥታ ብመንገዲ በዓል-መዚ ሓገዛት ትምህርቲ (CSN) ምምልካት ኣይከኣልን እዩ።

ከም ስደተኛታት መጠን ኣየናይ ድጋፋት ትምህርቲ ይምልከተኩም

ሓደ ካብዚ ኣብ ታሕቲ ዘሎ ቅድመ-ኩነታት ዘማላእኩም ምስእትኾኑ ድጋፍ-ትምህርቲ ናይ ምርካብ መሰል ኣለኩም:

  • በዓል-መዚ ኢምግረሽን ከም ስደተኛታት ወይ ውን ዑቕባ ዘድልዮም ሰባት (flykting eller skyddsbehövande) ቈጺሩ፡ መንበሪ-ፍቓድ ዝሃበኩም ምስዝኸውን።
  • በዓል-መዚ ኢምግረሽን ከም ስደተኛታት ወይ ውን ዑቕባ ዘድልዮም ሰባት ዘይኮነ፡ ካልእ ምኽንያታት (synnerligen ömmande omständigheter) መሰረት ጌሩ መንበሪ-ፍቓድ ዝሃበኩም ምስዝኸውን።
  • በዓል-መዚ ኢምግረሽን፡ ብመሰረት ግዝያዊ ሕጊ ምድራት ዕድላት ምርካብ መንበሪ-ፍቓድ ኣብ ሽወደን፡ መንበሪ-ፍቓድ ዝሃበኩም ምስዝኸውን። እቲ ንሕጊ ካልኣይ-ደረጃ ትምህርቲ መሰረት ዝገበረ፡ ንናይ ካልኣይ-ደረጃ ትምህርቲ (gymnasiestudier) ዝወሃብ መንበሪ-ፍቓድ፡ ሓደ ካብዚ ኣብነታት እዩ።
  • ምስ ካልእ ስድራቤት (familjehem) ወይ ውን ኣብ መንግስታዊ መዕቈቢ ህጻናት (HVB-hem) ትቕመቱ ምስእትኾኑ ድጋፍ ትምህርቲ ናይ ምርካብ መሰል ኣለኩም። ኮይኑ ግን እዚ ዝስዕብ ነጥብታት ከተማልኡ ኣለኩም፡
    • ብዕድመ ትሕቲ 20 ዓመት ክትኮኑ ኣለኩም።
    • ዘይወደቐ መንበሪ-ፍቓድ ክህልወኩም ኣለዎ።
    • ኣብ ሓደ ካብዚ ኣብ ላዕሊ ዝተጠቕሰ መዕቈቢ ትነብሩ ምህላውኩም ዘርኢ ውሳኔ መንግስታዊ ኣካል ክህልወኩም ኣለዎ።

መንበሪ-ፍቓድኩም ዘይወደቐ ክኸውን ኣለዎ

መንበሪ-ፍቓድኩም ዘይወደቐ ክኸውን ኣለዎ። ቀዋሚ ድዩ ወይ’ሲ ናይ ግዜ ገደብ ዘለዎ ፍቓድ’ዩ ዝብል ግን፡ ኣገዳሲ ኣይኮነን። ትምህርታዊ ድጋፍ ናይ ምርካብ መሰልኩም፡ ካብታ መንበሪ-ፍቓድኩም ዝወሰድኩምላ ሰሙን ዝጅምር መሰል እዩ።

መንበሪ-ፍቓድኩም ምስዝወድቕ

መንበሪ-ፍቓድኩም ምስዝወድቕ ውን፡ ድጋፍ ትምህርቲ ናይ ምርካብ መሰል ገና ክህልወኩም ይኽእል እዩ። እዚ ንኸኸውን ግን፡ እታ ዝነበረትኩም ፍቓድ ከይወደቐት እንከላ፡ እቲ ፍቓድ ክናዋሓልኩም ዘመልከትኩም ምስእትኾኑ እዩ። ስለዝኾነ ከኣ፡ ፍቓድኩም ኣብ ግዜ ክናዋሓልኩም መታን፡ ኣቐዲምኩም ናብ በዓል-መዚ ኢምግረሽን ከተመልክቱ ኣለኩም!

እቲ መናውሒ መጠየቕታኹም ግን

  • ከምቲ ናይ ፈለማ መጠየቕታኹም ዝነበረ ተመሳሳሊ ኩነታት መሰረት ዝገበረ ወይ ውን
  • ኣብ ካልኣይ-ደረጃ ኣብ ሽወደን ንምምሃር መሰረት ዝገበረ ሓድሽ መንበሪ-ፍቓድ ክኸውን ኣለዎ።
መንበሪ-ፍቓድኩም ምስዝቕየር

ባህሪ ናይቲ ዝነበረኩም መንበሪ-ፍቓድ ምስዝቕየር፡ ብዝቐልጠፈ ንበዓል-መዚ ሓገዛት ትምህርቲ (CSN) ክትውከሱ ኣለኩም። ንሕና ኸኣ ብወገና ምቅይያር መንበሪ-ፍቓድኩም ነቲ ናይ ድጋፍ-ትምህርቲ መሰልኩም፡ ይጸልዎ ድዩ ወይስ ኣይጸልዎን ብምርኣይ፡ ዝግበኣኩም መጠን ድጋፍ ከምእንኸፍለኩም ንገብር። ከም ኣብነት፡ በዓል-መዚ ኢምግረሽን ነቲ ፍቓድኩም ናይ ምንዋሕ መጠየቕታኹም ክነጽጎ ወይ ውን ንዝነበረኩም መንበሪ-ፍቓድ ክስሕብዎ ይኽእሉ። ከምዚ ምስዘጋጥም ከኣ፡ ነቲ ዘጋጠመ ምቅይያራት ብቑልጡፍ ክትሕብሩና ኣለኩም።

ሓተቲ-ዑቕባ

ኣብ ሽወደን መንበሪ-ፍቓድ ተዋሂቦም ዘይፈልጡ ሓተቲ-ዑቕባ ድጋፍ ትምህርቲ ናይ ምርካብ መሰል የብሎምን።

ልቓሕ መምርሒ-ፍቓድ መኪና

እቶም ስራሕ-ኣልቦ ዝኾንኩም ሰባት ናይ ሽወደን ናይ ንእሽቶይ መኪና መምርሒ-ፍቓድ (körkortsbehörighet B) ንምውጻእ ካብ በዓል-መዚ ሓገዛት ትምህርቲ (CSN) ገንዘብ ክትልቅሑ ትኽእሉ ኢኹም። መምርሒ ፍቓድ ምስእትሕዙ፡ ስራሕ ብቐሊሉ ክትረኽቡ ትኽእሉ።

እዚ ልቓሕ፡ ነቶም ስራሕ-ኣልቦ ዝኾንኩም ካብ 18 ክሳብ 47 ኣብ ዘሎ ክሊ-ዕድመ እትርከቡ ሰባት፡ ዝወሃብ ልቓሕ እዩ። እዚ ናይ ምልቃሕ ተኽእሎ፡ ንኹሎም ስራሕ-ኣልቦ ዝኾኑ ሰባት ብኣልማማ ዝምልከት ዘይኮነስ፡ ገለ ተወሳኺ ክማላእ ዝግብኦ ቅጥዕታት ውን ኣሎ እዩ። እንተበዝሐ፡ 15000 ጥራይ ኢኹም ክትልቅሑ እትኽእሉ። እቲ እትልቅሕዎ ገንዘብ ከኣ፡ መምርሒ-ፍቓድ ወንኑ ይትወንኑ ብዘየገድስ፡ ክትመልስዎ ኣለኩም።

ልቓሕ መግዝኢ ኣቊሑ ገዛ

ብመንገዲ ናይቶ ብምምሕዳር ከተማታት ዝግበር ምቕባል ሓደስቲ-ስደተኛታት ዝመጻእኩም እንተ ኾይንኩም፡ ነቲ ሓድሽ ዝወሃበኩም ገዛ ዝኸውን ኣቊሑን ካልእ ንብረትን ንምግዛእ፡ ካብ በዓል-መዚ ድጋፍ ትምህርቲ (CSN) ገንዘብ ክትልቅሑ ትኽእሉ ኢኹም። እቲ ዝግዛእ ንብረት ከም ንኣብነት፡ ዓራት፡ ሸሓኒታት፡ ድስቲ ከምኡ ውን መናብር ክኸውን ይኽእል። እዚ ገንዘብ ግን ኣስቤዛ፡ ወረቐት ሽንቲ-ቤት ወይ ውን ክራይ-ገዛ ንምኽፋል ክውዕል ኣይግባእን። እዚ ልቓሕ’ዚ ኸኣ፡ ልቓሕ መግዝኢ ኣቊሑ ገዛ ወይ ውን (hemutrustningslån) ተባሂሉ ይጽዋዕ።

ክንደይ ዝኸውን ገንዘብ ክትልቅሑ ትኽእሉ፡ ቊጽሪ ኣባላት ስድራቤትኩም ክንደይ እዩ፡ እቲ ገዛ`ኸ ንብረት ኔሩዎ ድዩ ወይሲ ባዶ እዩ ኔሩ፡ ክንደይ ዘኽውን ገንዘብ`ከ ኣለኩም፡ ዝብል ረቋሒታት መሰረት ዝገበረ እዩ።

ኣብ ሽወደን ዝተወሰነ ግዜ ድሕሪ ምጽናሕኩም ከኣ፡ ነቲ ልቓሕ ክትመልስዎ ክትጅምሩ ኣለኩም። ልቓሕ ካብታ ዝተዋህበኩምላ ዕለት፡ ድሕሪ ኽልተ ዓመት ኢኹም ነቲ ልቓሕ ክትከፍልዎ እትጅምሩ።

ብዝርዝር ንምንባብ

ኣብቲ Languages ዝብል ዘሎ ብቋንቋኹም ዝተዳለወ ዝተፈላለየ ሓበሬታታት ኣለኩም።

Icon for updated Updated: 2018-11-13
Did this page help you?

Send feedback

Lämna gärna dina synpunkter på webbplatsen. Observera att vi inte kan svara på din kommentar.

Du kan inte ställa frågor om ditt personliga ärende här.
Har du frågor om ditt personliga ärende ska du Kontakta oss.

Om du anger personuppgifter kommer vi att behandla dem enligt dataskyddsförordningen. Läs mer om hur vi behandlar dina personuppgifter.

eller

Behöver du hjälp?

Kontakta oss


Hitta svar på dina frågor!

Våra e-tjänster

Logga in


Du kan utföra många ärenden själv genom våra e-tjänster

Dold textmodul