Start
Languages
Kurmancî (nordkurdiska)

Kurmancî (nordkurdiska)

Komîsyona Navendî ya Piştgiriya Xwandinê (CSN) daîreya fermî ye ya ku karûbarên piştgiriya xwandinê, ango alîkarî û deynên ji bo xwandinê, li Swêdê bi rê ve dibe. Em karûbarên deynên ji bo ajotinnameyê û navmaliyê jî bi rê ve dibin. Di van rûpelan de, tu dikarî agahdariyên bêtir li ser alîkariyên cuda bixwînî. Lê, ev agahdarî yên bi kurmancî giştî ne.

Piştgiriya xwandinê – alîkarî û deyn ji bo xwandinê

Tu ne welatiyê Swêdê yî?

Heger tu ne welatiyê Swêdê bî, mafê te heye ku piştgiriyê ji bo xwandinê li Swêdê bistînî heger tu hin şertan bi cih bînî. Heger mafê te yê rûniştinê yê daîmî (PUT) hebe û li Swêdê bijî, bi piranî mafê te jî yê standina piştgiriya xwandinê li Swêdê heye.

Heger Daîreya koçê (Migrationsverketê) ji ber penaberiyê yan sebebekê wek wî mafê rûniştinê yê miweqet dabe te, bi piranî mafê te yê standina piştgiriya xwandinê li Swêdê heye. Lê ev maf ji bo te tune ye heger tu penaxwaz bî.

Wek din, heger tu welatiyê Swîsrayê bî, yê dewleteka Yekîtiya Ewropayê bî yan yê welatekê derveyî Yekîtiya Ewropayê bî, qaîdeyên din hene.

Piştgiriya xwandinê li Swêdê ji bo welatiyê neswêdî (på svenska)

Piştgiriyên me yên cuda ji bo xwandinê

Piştigiriyên xwandinê yên cuda ji bo corên xwandinê yên cuda û ji bo temenên cuda hene. Ev hin ji wan in:

Heger tu qonaxa xwandinê ya amadeyî (gymnasietê) bixwînî, mafê te heye ku tu alîkariya xwandinê bistînî heta nîvsala duyê ya xwandinê (vårterminenê) ya ku tu dê de dibî 20-salî. Alîkariya xwandinê ji alîkariyên cuda, bo nimûne alîkariyê xwandinê û îlaweyên zêde, pêk tê. Tu dikarî îlaweya zêde bixwazî heger dahatê malbata te kêm be.

Agahdarî ji bo welatiyên neswêdî

Alîkarî ji CSN-ê ji bo xwandina qonaxa amadeyî (på svenska)

Piştigiriya maddî ya ji bo xwandinê ji alîkarî û deynê xwandinê pêk tê. Ji nîvsala yekê ya xwandinê (höstterminenê) ya ku tu tê de dibî 20-salî, tu dikarî daxwaza piştgiriya maddî ya ji bo xwandinê bikî. Heger niyeta te hebe ku tu qonaxeka paşamadeyî, bo nimûne zanîngehê, bixwînî, tu dikarî piştgiriya maddî ya ji bo xwandinê bixwazî tevî ku tu ji 20-saliyê biçûktir bî. Divê paşî tu deynê xwandinê vegerînî.

Agahdarî ji bo welatiyên neswêdî

Piştgiriya maddî ya ji bo xwandinê ji CSN-ê (alîkarî û deyn) - på svenska

Piştgiriya destpêkirina xwandinê ji bo wî ye yê ku ev demekê dirêj e bêkar e û hewcedariya wî heye ku ji bo peydakirina karî xwandina bingehîn yan amadeyî temam bike. Tu dikarî vê alîkariyê herî zêde 50 hefteyan bistînî heger tu tamwext bixwînî.

Agahdarî ji bo welatiyên neswêdî

Piştgiriya destpêkirina xwandinê di dema bêkariyê de (på svenska)

Deynê navmaliyê (hemutrustningslån) – ji bo te yê ku penaber e

Tu dikarî pereyan ji bo kirîna tiştên navmaliyê, mîna text, sênî, qazan û kursiyan, ji CSN-ê deyn bikî heger tu wek penaber li şaredariyekê qeydkirî bî. Çênabe tu wan pereyan ji bo tiştên wek xwarin, mobîl yan kirêya xaniyî bi kar bînî. Meziniya malbata te, navmaliya te û pereyên te tayîn dikin ka tu dikarî çi qas pereyên ji bo navmaliyê deyn bikî.

Divê pereyên ku tu deyn dikî paşî vergerînî. Vegerandina pereyan 2 salan piştî standina wan dest pê dike.

DEYNÊ NAVMALÎYÊ

Deynê ajotinnameyê (körkortslån) – ji bo te yê ku bêkar e

Heger tu bêkar bî, tu dikarî pereyan ji CSN-ê deyn bikî da corê B yê ajotinnameya swêdî bistînî. Mimkin e hebûna ajotinnamyê peydakirina karî hêsantir bike. Divê tu bêkar bî û temenê te di navbera 18 û 47 saliyê de be da ku mafê te hebe ku tu wan pereyan deyn bikî. Divê tu hin şertên din jî bi cih bînî. Tu dikarî herî zêde 15 000 kronan deyn bikî. Çi tu ajotinnameyê werbigirî yan wernegirî, divê paşî tu deynî vegerînî.

Agahdarî derbarê deynê ajotinnameyê (på svenska)