Jump to content

Romani Lovari/ Romani Šib

CSN si kodi themeski organizatcia khaj inkrel o šveditsko žutipe pe studia, kodolesa te phenel pe love thaj unžulimata pe studia. Ame inkras vi lovenge unžulimata pe tradimasko lil (körkort) thaj unžulimata pe khereske bučia (hemutrustningslån). Kate biris te ginaves maj but pa kadal žutimata. Informatsia pe Romani šib si pe jekh opruno nevelo.

Čiro čačipe te xasnis natsionalne minoritetne šiba

San tu jekh anda e natsionalne minoritetura si tut čačipe te xasnis čiri šib ando kontakto kusa e themeske organizatsi. Švedoske natsionalne minoritetura si židevura, rom, sami, sverigefinnar thaj tornedalingar. E natsionalne minoritentne šiba si jiddisch, romani šib, samitsko, finlanditsko šib thaj meänkieli.

Maj but pa čačipe te xasnis e natsionalne šiba si po

Žutipe pe studia (Studiestöd) – žutipe thaj unžulipe pe studia

Si diferentne studiake žutimata kado si pala kodo so studjulis thaj sode beršengo san. Kate si e maj normalne:

Studiako žutipe (Studiehjälp) – lovengo žutipe tuke khaj studjulis po gymnasium thaj san 20 beršengo vaj maj terno

Studjulis po gymnasium biris te les studiako žutipe ži khaj e termina angla milaj khaj kodi vrama khaj perdžos 20 berš. Studiako žutipe si diferentne love, sar eksemplo studiebidrag thaj ekstra love paše. Ekstra love paše (extra tillägg) si jekh lovesko žutipe khaj biris te manges te si čira familja tsera love sako šon.

Lovengo žutipe khatar CSN pe studia po gymnasium (på svenska)

Studiake žutimaske love (Studiemedel) – love thaj studiake unžulipe

Studiake žutimaske love si kusa jekh lov khaj si dino thaj studiako unžulipe. Biris te manges studiake žutimaske love khatar pala milajeski termina kodo berš khaj perdžos 20 berš. Te site studjulis pe jekh edukatsia pala gymnasium, sar eksemplo po universiteto, biris te manges studiake žutimaske love vi te san maj terno sar 20 berš. Studiake unžulimata musaj pala kodo te počines palpale.

Studiake žutimaske love khatar CSN pe studia (love thaj unžulipe) (på svenska)

Studiako startosko žutipe (Studiestartsstöd) – love tuke khaj san bi bučako

Studiako startosko žutipe si tuke khaj sanas bi bučako jekh maj lungo vrama thaj trobuj te ginaves andre jekh grundoske školako- vaj gymnasiaki edukatsia te biris te les jekh buči. Kadal love biris te les maksimalno tela 50 kurke te studjulis pe 100 procenti (heltid).

Studiako startosko žutipe kana san bi bučako (på svenska)

San jekh citizento ande kaver them?

Tu khaj san jekh citizento ande jekh kaver them biris te inkres čačipe te les šveditsko žutipe pe studia te inkres uni zakoni. Te si tut jekh permamentno čačipe te ašios (PUT) thaj trajis ando Švedo si tut butivar čačipe te les šveditsko žutipe pe studia.

Te si tut jekh varamaki pača ando them khatar Migrationsverket ke si tut jekh našutnengo statuso vaj variso so si sar kodo, si tut vi atunči čačipe butivar te les studiako žutipe. Kana manges azylo naj tut čačipe te manges kado žutipe.

Ande kaver bučia si diferentne reguli te san citizento ande jekh them andre vaj avri anda EU/EES vaj Šwaizo.

Pa šveditsko žutipe pe studia tuke khaj san citizento ande jekh kaver them (på svenska)

Unžulipe pe khereske buča (Hemutrustningslån) – tuke khaj san našutno

Tu khaj san inkerdo khatar a komunako žutipe pe našutne biris te les unžule love te khines mebli thaj kaver khereske buča ande čiro kher. Kodo šaj te avel patura, tejara, pira thaj skamina. Naštik te xasnis e love sar eksemplo po xabe, mobilno telefon ovaj te počines pa o kher. Keči love biris te les unžule si diklo pala čiri familja thaj sar barij e familja, so si ando kher thaj keči love tut aba si.

E love khaj les unžule musaj te počines palpale maj angle vramasa. Tu si te počines pa unžulipe pala 2 berš sar lan e anglune love.

Unžulipe pe khereske buča

Unžulipe pe tradimasko lil (Körkortslån) – tuke khaj san bi bučako

Tu khaj san bi bučako biris te les unžule love khatar CSN te biris te les jekh šveditsko tradimasko lil kusa o tradipe B. Kusa jekh tradimasko lil šaj te avel maj lokho te les jekh buči. Te avel tut čačipe pe kado unžulipe si te aves bi bučako thaj maškar
18 thaj 47 berš. Musaj vi te nakhes uni konditski. Sar maj but biris te les unžule 15 000 kronor. Unžulipe musaj te počines palpale, thaj kodo musaj te keres vi te na lan o tradimasko lil.

Informatsiako materialo pa unžulipe pe tradimasko lil (på svenska)

Len amentsa kontakto

Kana les amentsa kontakto biris te les atvetura pe šveditsko vaj anglišitsko šib.

Pušipe pa čačipe khaj jekh šveditsko žutipe pe studia

Vorbin amende pa khaj jekh šveditsko žutipe pe studia

luja-paraštuj, 8.00-12.00

0771 276 300

Phuter e-mail formulera

ebrev@csn.se

Ame das atvetura normalno tela 3 bučake džes

Pušipe pa studiako žutipe

Vorbin amende pa studia

luja-paraštuj, 8.00-16.30

0771 276 000

Phuter e-mail formulera

ebrev@csn.se

Ame das atvetura normalno tela 3 bučake džes

Pušipe kana si te počinel pe palpale o unžulipe

Vorbin amende pa počinipe pe palpale o unžulipe

luja-paraštuj, 8.00-16.30

0771 276 000

Phuter e-mail formulera

ebrev@csn.se

Ame das atvetura normalno tela 3 bučake džes

Pušipe pa unžulipe pe khereske buča

Vorbin amende pa unžulipe pe khereske buča

luja-paraštuj, 9.00-12.00

0771 276 100

Phuter e-mail formulera

hemutrustningslan@csn.se

Ame das atvetura normalno tela 3 bučake džes

Pušipe pa unžulipe pe tradimasko lil

Vorbin pa unžulipe pe tradimasko lil

luja-paraštuj, 9.00-12.00

0771 276 000

Phuter e-mail formulera
Ame das atvetura normalno tela 3 bučake džes

Icon for updated Updated: 2019-08-30
Did this page help you?

Send feedback

Lämna gärna dina synpunkter på webbplatsen. Observera att vi inte kan svara på din kommentar.

Du kan inte ställa frågor om ditt personliga ärende här.
Har du frågor om ditt personliga ärende ska du Kontakta oss.

Om du anger personuppgifter kommer vi att behandla dem enligt dataskyddsförordningen. Läs mer om hur vi behandlar dina personuppgifter.

eller