Jump to content

Máksit ruovttoluotta oahppoloana

Don guhte leat lohkan oahppoloanain CSN:S álggát vealggi máksit ruovttoluotta go válddát boddu dahje loahpahat oahpuid oahpporuđain. Dát lea gustovaš váikko leat bargguhaga, oaččut váhnenruđa dahje jođát olgoriikii. Dás gávnnat dieđuid got mávssát ruovttoluotta ja maid sáhtát bargat jus oaččut váttisvuođa máksit.

Goas álggán máksit ruovttoluotta?

Jus don leat váldán oahppoloana vuosttaš gearddi don álggát máksit ruovttoluotta áramusat guhtta mánu maŋŋil go dus leai oahppoloatna.

Go lea áigi álgit máksit don oaččut reivve CSN:s máksinplánain ja máksingoarttain. Dan oaččut jahkemolsuma oktavuođas.

Leat go ovdal váldán oahppoloana ja álgán máksit ruovttoluotta? Dalle álggát máksit dálá go heaittát oažžut oahpporuđa.

Man ollu galggan máksit?

Iežat jahkedieđus, man oaččut juohke jagi ođđajagimánus. Don sáhtát oaidnit man ollu sáhtát máksit ja reantodási.

Man ollu galggat máksit juohke jagi (jahkesupmi) lea gitta das:

  • man ollu leat luoikan
  • man alla reantu lea
  • makkár árvoloktenlohku lea, alimusat guokte proseantta jahkái
  • man guhká galggat máksit iežat loana.

Got mávssán?

Don sáhtát válljet máksit ruovttoluotta oahppoloana autogiron, e-rehkegiin dahje sisamáksingoarttain. Jus orut olgoriikkas, sáhtát máksit iežat loana máksingoarttain.

Autogiro – lávtte iežat interneahttabáŋkku bokte, ruđat gessojuvvot automáhtalaččat du kontos.

E-rehket – lávtte iežat interneahttabáŋkku bokte, don dohkkehat iežat e-rehkega njuolga interneahttabáŋkkus.

Sisamáksingoarta– álkimusat mávssát iežat interneahttabáŋkkus dieđuiguin mat leat sisamáksingoarttas.

Máksingoartta – don guhte orut olgoriikkas sáhtát máksit máksingoarttain mii lea čadnon Visa dahje Mastercardii Mu siidduin.

Man guhká mávssán?

Don sáhtát guhkimusat máksit ruovttoluotta oahppoloana 25 jagi. Don galggat máksán loana dan jagi go deavddát 60 jagi. Du agi ja man stuorra vealgi dus lea mearrida jus oaččut oanibut áiggi máksit loana ruovttuluotta. Iežat jahkedieđus sáhtát lohkat man guhkes áiggi oaččut máksit ruovttoluotta oahppoloana.

Man dávjá mávssán?

E-bálvalus Rievdda mánnomáksimii:

Dábáleamos lea ahte don mávssát njelljii jahkái (guovvamánus, miessemánus, borgemánus ja skábmamánus) muhto Mu siidduin don sáhtát ieš rievdadit nu mávssát juohke mánu.

Váttis máksit loana

E-bálvalus Sirdde máksima ovddus:

E-bálvalus Rievdda mánnomáksimii:

E-bálvalus Oza unnibut máksit:

Don sáhtát ieš sirdit ovddus máksima mánu dahje rievdadit mánnomáksimii Mu siidduin.

Don sáhtát maid ohcat máksit unnibut ovtta áiggi. Dat gohččoduvvo vuolideapmi. Dus sáhttá leat riekti vuolideapmái jus dus lea vuollegis sisaboahtu dahje erenoamáš ákkat. Earenoamáš ákkat sáhttá ovdamearkka dihte leahkit jus oaččut birgenláhkedoarjaga. Jus oaččut vuolideami de sáhttá mielddisbuktit ahte du boahtteáiggi jahkesupmi loktana.

Jus dus goitge lea váttis máksit loana de mii háliidit ahte don riŋget minsiidda, de mii ovttas sáhttit gávdnat buoremus čovdosa juste du dillái.

Vuolideapmi - mávsse unnit muhtin áiggi (ruoŧagillii)

Jus don it mávsse

Jus don it mávsse loana máksinplána mielde, dáhpáhuvvá čuovvovaččat:

  • Mii sáddejit muittuhusa dutnje ja don fertet máksit 450 ruvnnu muittuhusmáksun.
  • Jus don it mávsse mii sáddejit ovtta vel muittuhusa mánu geaž Dalle fertet máksin vel 450 ruvnnu lassin.
  • Jus don ain it mávsse, dalle sáddejit gáibádusreivve dutnje.
  • Jus don it mávsse gáibádusa mii sáddejit ášši Ruvnnaofáldái. Dalle sáhtát oažžut máksinmerkesteami. Jus orut olgoriikkas de mii sáddejit ášši inkassofitnodahkii.

Muittuhusmáksima birra (ruoŧagillii)

Mávsse eanet dahje olles oahppoloana

Don sáhtát máksit eanet iežat oahppoloanas máksin dihte loana jođáneappot. Don sáhtát maid máksit olles loana oktanis. Váldde oktavuođa CSN:in jus háliidat máksit eanet.

Ruovttoluotta gáibádus – jus leat ožžon oahpporuđa masa dus ii lean riekti

Jus don leat ožžon ruđa CSN:s masa dus ii lean riekti, de fertet máksit ruovttoluotta. Dalle oaččut ruovttoluottagáibádusa. Sivva sáhttá ovdamearkka dihte leahkit ahte don leat heaittihan iežat oahpu dahje soames gursse.

Jus lea ožžon gáibádusa ruovttoluotta máksit de galggat máksit dakkaviđe. Don oaččut sisamáksingoartta ja mearrádusa ruovttoluottagáibádusain.

Don dárbbahat maid máksit reanttu. Mii váldit maid ekspedišuvnnadivaga 100 ruvnnuin juohke ruovttoluottagáibádusas ja jagis.

Jus dus leat váttisvuođat máksit CSN sáhttá muhtimin mieđihit máksinplánii. Riŋge minsiidda jus háliidat digaštallat vejolašvuođa máksinplánii.

Jus jođát olgoriikii

Jus jođát olgoriikii de galggat joatkkit máksit iežat máksinplána jelgii. Ale vajálduhte rievdadit iežat oktavuođadieđuid Mu profiillas Mu siidduin. Jus galggat orrut olgoriikkas eanet go ovtta jagi de galggat dieđihit Vearrodoaimmahahkii.

Dehálaš rivttes oktavuođadieđuiguin

E-bálvalus Mu profiila:

Lea maid dehálaš ahte dus leat rivttes oktavuođadieđut Mu siidduin, nu mii gávdnat du telefovnnas dahje e-boasttain. De mii sáhttit váldit oktavuođa duinna go don dárbbahat dieđuid mis. Logge sisa Mu siidduide ja dárkkis dieđuid mat leat das. Jus dieđut eai leat riekta loga eanet siiddus Jođán dahje molssun čujuhusa (ruoŧagillii)

Icon for updated Updated: 2020-10-20
Did this page help you?
eller